13.04.2009

呢排自己其實心情都幾好~但唔知係咪今日第一次去拜姑丈~心情好似好重~一個人諗返起好多與姑丈的回憶~諗返起佢以前點同我慶祝生日~今年無左佢~自己又會點呢?? 我生日佢雖然唔會話買好重的禮物俾我~但每年姑媽同姑丈都好鍚我買生日蛋糕~唱生日歌~同埋煮一餐我鐘意食的飯~呢d 係用$都買唔到的愛錫~~

回憶呢d的時間~我就已經忍唔到喊~因為佢真係好錫我~又無左另一個0甘愛錫自己的人~真係唔係0甘難忘記~但我相信呢d 痛~好快可以隨時間回復~而且始丈可以去到一個無痛苦的天堂生活~自己應該為他而開心~

09.04.2009

下一個月就係自己22歲的生日~0甘快又大一歲啦~世事的事真係難估~先前仲以為今年又要一個人過生日~但今年宜家又好似唔洗一個人過啦~真開心~^期待今年的生日過得開心就足夠~^^

01.04.2009

又係新的一個月啦~雖然今日見面時間唔多~但真係好開心~多謝你~^

13.03.2009

呢幾日自己回復以往自己的生活~幸好~我仲有1號+2 號陪我~哈^呢幾日某幾日靜下的時候~問自己好多問題~究竟點解好似好多事都係一開始就好似失敗..無論任何事都好..之前以為對呢件事唔會點太唔開心..因為自己付出的唔多..對呢件事一開始比之前都已經無0甘投入..但今日自己一諗起..就已經忍唔住要喊..喊原因可能好多..因為呢排真係發生好多不如意的事...我真係好累啦..靜下來先發現原來自己對呢件事都有心痛的感覺..始終因為都係有失去..係有唔開心..但發現當中其實真係有好多問題自己仲未好去解決..未去識唔在意人地點睇...所以先搞到自己宜家0甘..但願事情快些解決..宜家我只係好想黎緊一年..搵到學位讀..就算無得讀..我都一定會再搵文憑讀~

呢家多左同小朋友相處~發覺0甘樣返工係最開心~因為你就算係搵好少的禮物哄佢~佢果句"多謝"或者話"好鐘意份禮物"~係會令你好開心~同佢地相處~永遠係最坦白的對話~最天真的諗法~永遠唔會有諗得好複雜的諗法~又係既~諗返以前自己的確做小學生係最開心~因為根本無煩惱~

開始發覺~其實人生即使你搵到幾多名譽金錢~過得開心簡單先係最重要~

10.03.2008

估唔到0甘快又有野想記低~呢幾日~自己好擔心一樣事~擔心一個朋友唔知有咩事~因為好耐無見佢on msn~或者打俾我~今晚~我打左個電話俾佢~佢話有d 事想自己冷靜去諗下~~

感謝神~呢排雖然發生好多事~無論工作~家庭~自己上~有好多煩惱~好多唔開心~但係前晚我只係向神祈禱一次~今日好多事已經俾左答案我~話左俾我知我自己應該點做~相信神會為我安排最好~即使知道結果最後都唔會好~不過~向好的方面想~都係一件好事~