24.12.2009

平安夜同左阿樂去左深水埗一間唔迫又幾好食的日本餐廳食野~之後去左附近一個靜靜地的公園散步傾計~再join埋你d朋友去朗豪坊睇show~12點~就睇你打左陣機~我地再繼續附近周圍行~3點~你就送到我返屋企了~

自從返學之後~真係好似好耐好耐無同你一齊行到0甘夜..仲送到我返到屋企~嘻~真係好多謝你~今朝拆左份聖誕禮物..係Hello Kitty 的日用品..但佢真係太得意..搞到我唔係好想用佢..哈哈..希望我送俾你果份禮物你會鐘意啦~因為自己都花左好多時間去整呢~~^^

25.11.2009

呢幾日搭地鐵返黎時。。見到下村即將拆卸。。自不然勾起左好多小時候留下的許多回憶。唔知點解今日特別諗起好多以前發生過的事。。可能呢排太多功課。。。真係累。好想搵個途徑去抒發。所有突然發生的事就好似尋日發生。。過左0甘多年。仍然歷歷在我的腦海中。心仍在痛。仍很掛念。

30.09.2009

今日本身可能係一個對我黎講好值得紀念的一日。但呢家好似已經再無意義。。一個又一個的失望。。係會有盡頭。。最後你始終會累。。會唔想堅持。雖然提出的係我。。但係總有唔開心。不過始終問題再拖。。只會結果係辛苦。

23.07.2009

今晚同其他順利隊友同International School~打左場激烈的比賽~所以返到屋企已經好累好累。。但今日總有事想記低佢~幸好中一的時候..我有同學叫我參加左排球隊~因為佢的確俾左好多快樂我~直到而家~每次打波的時候就會所有唔開心的事都唔記得曬~因為要享受打波的過程~

今日下午全日唔洗補習~所以去左樂富拜姑丈。。唔經唔覺。。佢都離開左我地半年啦。呢半年對始媽&姑丈黎講的確係一個解脫。。但我知口講姑媽無事。。但我知佢仲好掛住姑丈。。因為佢成日嚮我身邊都會提起他以前的事。。下村就快拆。。嚮果道兒時的快樂事真係有好多。。我原來都唔係自己想像中0甘撐得。。今日嚮拜姑丈面前。終於撐唔到。。喊左好耐。。好耐。眼淚不斷0甘流。。因為諗返好多以前佢點關心我。。慶祝生日的事。。仲有係。。有種種好多事我已經好累。唔想再嚮人地面前扮堅強。。扮開心。。 未經歷過失去至親的人。。可能會覺得我好傻。。都過左0甘耐。。點解仲要喊。。應該開開心心。。但你地放心。。我喊完一大場就會真正做返一個開心快樂的靜儀。。

 17.07.2009

尋日去花墟打波~天氣比上星期好好多~打打下會有風吹黎~唔似上星期..真係悶熱到爆~不過~打左2個鐘~就落大雨啦~最記得以前PE CAMP~所有球隊因為落大雨都返曬房~但我地仲落大雨之下圍圈打波~又有一次~嚮順利練波~又有一次因為要完成到目標先可以走~幾大雨都好~我地咩都唔理~繼續練~^

呢排多返同師妹+阿SIR佢地打波~真係好有返以前順利打波的感覺~雖然以前比賽輸多贏少~但每次我地都好享受打波的過程~真正叫做快樂排球~諗返起~如果唔係我入左排球隊~我諗我嚮順利的回憶會少好多~亦都唔會令我學識點搞活動~^唔知點解曾經有同其他的朋友打波~但果種感覺始終唔及你地~係會有果種開心同滿足感~可能我地始終以前一齊經歷過不少的比賽~好想好想我地每星期的打波聚會可以繼續維持下去~

                        ^^好耐之前的相啦~果時只係F.4升F.5~而家大家個樣都唔同曬啦~我自己就肥左~哈^